როგორ მოვიშოროთ ანალური ხვრელიდან (ანუსიდან) არასასურველი თმა მამაკაცებისთვის

მამაკაცებისთვის ანალური ხვრელიდან (ანუსიდან) თმის მოშორება

პირველ რიგში, მინდა გაანალიზოთ, რომ ანალური ხვრელის ირგვლივ თმიანობა სავსებით ნორმალურია როგორც მამაკაცისთვის, ასევე ქალბატონებისთვის. 

რა ფუნქცია აქვს ანუსის თმას?

უკვე დიდი ხანიაა, რაც ადამიანებს გადარჩენისთვის სხეულზე დიდი რაოდენობით თმა არ სჭირდებათ, მაგრამ თმის გარკვეული რაოდენობა სხეულზე მაინც შემოგვრჩა. რატომ? იმიტომ, რომ მაგ გარკვეული ფუნქციური დატვირთვა აქვთ. მაგალითად, წამწამები თვალებს უცხო სხეულებისგან(ნამსხვრევები, მტვერი და ა.შ.) გვიცავს, წარბები თვალებს ოფლისგან იცავს, ხოლო თმიანობა ანუსის გარშემო დუნდულებს იცავს ერთმანეთთან ხახუნისაგან, რაც, თავის მხრივ, დუნდულებს გაღიზიანებისგან, კანს სიწითლისგან იცავს.

ამიტომ, ნუ გაგიჩნდებათ კომპლექსები იმის გამო, რომ თქვენ ანალური ხვრელის ირგვლივ ან თუნდაც სასქესო ორგანოზე ბევრი თმა გაქვს. ეს სავსებით ბუნებრივია!

თმის დატოვება/არდატოვება კონკრეტულად სხეულის ამ ნაწილებში უკვე გემოვნების საკითხია. თუკი გსურთ, ანალური ხვრელის ირგვლივ თმის მოშორება, მაშინ გააგრძელეთ კითხვა.

თმის დროებით მოშორება

თუკი ანუსიდან თმის მოშორებას ამჯობინებთ, გირჩევთ, პირველ რიგში, სცადოთ თმის დროებითი მოშორების მეთოდები. ანუსის თმა სწრაფად არ იზრდება, რაც ნიშნავს იმას, რომ მას ხშირი მოვლა, როგორც, მაგალითად, წვერს, არ სჭირდება.

თქვენით თმის მოშორებამ შეიძლება გარკვეულწილად გამოწვევების წინაშე დაგაყენოთ, ვგულისხმობ, რომ თმა უკანალშია და თქვენი ხელებისთვის მანდ წვდომა, კომფორტული არ არის. კედლის ან იატაკზე მოთავსებული პატარა სარკე ამ პრობლემის აღმოსაფხვრელად დაგეხმარებათ.

პარსვა

ვინაიდან და რადგანაც თქვენ სხეულის პატარა და ვიწრო ადგილას, ანალურ ხვრელთან, გსურთ თმის მოშორება, ბიკინის საპარსი იდეალური ხელსაწყოა ამისთვის. სხვა შემთხვევაში, შეგიძლიათ გამოიყენოთ ჩვეულებრივი საპარსიც, მაგრამ უნდა დარწმუნდეთ, რომ საპარსი მახვილია და მარტივად გაპარსავს. ასევე, სურვილის შემთხვევაში, შეგიძლიათ შეიძინოთ 2-1-ში ტიპის ხელსაწყო, როგორიც ეს არის

იმისთვის, რომ გაღიზიანება მინიმალურამდე დავიყვანოთ:

1. დაიბანეთ ანუსის ირგვლივ რბილი საპნით და წყლით.
2. ააქაფეთ ზედაპირი ჩვეულებრივი საპარსი ქაფით ან გელით
3. დადეთ ერთი ფეხი მაღლა, მაგალითად, ნიჟარაზე. დარწმუნდით, რომ ნიჟარის ზედაპირი მშრალია, შესაბამისად, არ გასრიალდებით.
4. ერთი ხელის გამოყენებით გაწიეთ დუნდულები განზე და კარგად დაჭიმეთ ანუსის ირგვლივ კანი.
5. გაპარსეთ ზედაპირი ძალიან ნელა და ფრთხილად პატარ-პატარა დარტყმებით.
6. ჩამოიბანეთ კარბად და პირსახოცის ზედაპირული დადებით გაიმშრალეთ (უხეშად გამშრალება კანს გაგიღიზიანებთ).

ვოქსინგი (ცვილის გამოყენება)

ვოქსინგი - წებოვანი ცვილის ნივთიერების გამოყენებით თმის მოშორებაა.

ცვილის გამოყენება თმას ღრმა ფესვებიდანვე იღებს, რაც შეუნარჩუნებს თქვენს ანუსს თმის გარეშე ყოფნას შედარებით დიდი ხნის, დაახლოებით 2-4 კვირის, განმავლობაში.

ვოქსინგი სახლის პირობებში შედარებით რთულია ისევ და ისევ იმის გამო, რომ თქვენი ხელებისთვის ანალურ ხვრელთან "მისვლა" არაკომფორტულია. თუკი თქვენ პირველად იშორებთ ცვილის გამოყენებით თმას, გირჩევთ, ეს საქმე პროფესიონალებს მიანდოთ.

თუკი მაინც გადაწყვეტთ ანუსიდან დამოუკიდებლად თმის მოშორებას ვოქსინგით, მაშინ შემდეგი ეტაპების გავლა მოგიწევთ:

1. იბანავეთ თბილ წყალში მინიმუმ 5 წუთის განმავლობაში.
2. დარწმუნდით, რომ ანუსის თმა ნახევარი სანტიმეტრია. თუკი თმა უფრო გრძელია, გაკრიჭეთ ფრთხილად მჭრელი მაკრატლით ან ბიკინი საპარსით.
3. დაიტანეთ ნატურალური ცვილი ანუსის ირგვლივ.
4. ცვილზე ზემოდან დაადეთ წებოვანი ქაღალდი, რომელიც, ცვილს მოყვება.
5. დააცადეთ ცვილს რამდენიმე წამი, რათა გამაგრდეს.
6. ერთი ხელით დაჭიმეთ კანი კარგად და სწრაფად მოაგლიჯეთ წებოვანი ქაღალდი, რომელიც თან წამოიღებს თმასაც.

დეპილატორი კრემები

დეპილატორის გამოყენება ისეთ მგრძნობიარე ადგილებში, როგორიცაა ანუსი ან თუნდაც პენისის ირგვლივ სივრცე, რეკომენდირებული არაა, წინააღმდეგ შემთხვევაში, დეპილატორი კანს გაგიღიზიანებთ და ქავილის შეგრძნებას გაგიჩენთ.

თმის სამუდამოდ მოშორება

თუკი გადაწყვეტთ, თმის სამუდამოდ მოშორებას, ამისთვის რამდენიმე არჩევანი გაქვთ.

ლაზერული ეპილაცია

ლაზერული ეპილაცია გულისხმობს ძლიერი ლაზერული დარტყმებით ხურავს თმის პარკებს. მართალია, ეს ტექნიკა არ აშორებს თმას სამუდამოდ, მაგრამ ის ამცირებს თმის ხელახლა ზრდას.

ლაზერული ეპილაციის ხანგრძლივობა დამოკიდებულია იმ ზედაპირის ფართობზე, საიდანაც თმის მოშორება გსურთ. დაგჭირდებათ რამდენიმე პროცეტურა იმისთვის, რომ სასურველ შედეგს მიაღწიოთ, რაც შედარებით თანხებთან ასოცირდება.

 

არ მოგატყუებთ - ლაზერული ეპილაცია შედარებით არაკომფორტულია. ლაზერული დარტყმებს ხშირად აღწერენ, როგორც ნემსით ჩხვლეტას.

გარდა ამისა, ლაზერული ეპილაციის შემდეგ უნდა მოელოდოთ გარკვეულ დისკომფორტს, ამოზნექილობას და სიწითლეს რამდენიმე დღის განმავლობაში.

დამატებითი ინფორმაციისთვის მიმართეთ ესთეტიკის კლინიკებს.

ელექტროლიზისი

ელექტროლიზისი – სხეულიდან თმის მოცილება ნემსისმაგვარი ელექტროდით, თმის ღერის ბოლქვში ელექტრული დენის გატარებით, რაც იწვევს თმის ცვენას და "უკრძალავს" თმას ხელახლა ზრდას.

ისევე როგორც ლაზერულ ეპილაციას, ელექტროლიზისსაც სჭირდება მკურნალობისშემდგომი ღონისძიებების გატარება, რაც შედარებით ძვირია. ელექტროლიზისის სესიების ხანგრძლივობა დამოკიდებულია მოსაშორებელი თმის რაოდენობაზე. ზოგადად, ელექტროლიზისის სესიებმა შეიძლება გასტანოს 5 წუთიდან 1 საათის განმავლობაში.

ელექტროლიზისით თმის მოშორება ისეთი მგრძნობიარე ადგილიდან, როგორიცაა ანუსი, უფრო მეტ დისკომფორტს გამოიწვევს, ვიდრე, მაგალითად, თმის მოშორება ფეხებიდან ან ნიკაპიდან. 

სიწითლე და სირბილე რამდენიმე საათის განმავლობაში ელექტროლიზისისთვის დამახასიათებელია.

მოშორებასთან დაკავშირებული რისკები

საჭიროა გაითვალისწინოთ გარკვეული რისკები, რომლებიც შესაძლოა თმის მოშორებას მოყვეს:

• პარსვით გამოწვეული სიწითლე
• გამონაყარი
• ქავილი
• ინფექცია
• ჭრილობები
• შეზრდილი თმები
• ფოლიკულიტი - თმის ბუდის ანთება

იმისათვის, რომ რისკები მინიმუმამდე დაიყვანოთ, საჭიროა თმის მოშორებამდე ყოველთვის დაიბანოთ კონკრეტული ადგილი რბილი საპნითა და თბილი წყლით. 

თმის მოშოროების შემდეგ დაიტანეთ ალოე ვერა, რომელიც დაიცავს კანს გაღიზიანებისაგან.

ყოველთვის გამოიყენეთ პროდუქცია მითითების მიხედვით და მიყევით თქვენი დერმატოლოგის ინსტრუქციებს.

რჩევები

ყოველთვის გახსოვდეთ, რომ თმიანობა ნებისმიერი ადამიანისთვის დამახასიათებელია, ჭარბთმიანობა კი მამაკაცებში ჩვეულებრივი მოვლენაა. თმის მოშორებას რაიმე ფუნქციური დატვირთვა თქვენი ორგანიზმისთვის არ აქვს, ეს უბრალოდ პირად გემოვნებაზეა დამოკიდებული - თქვენი ანუსი, თქვენი არჩევანი.

ბიკინი საპარსის გამოყენება ხელსაყრელია. მისი დახმარებით თქვენ შეგიძლია შეამოკლოთ არასასურველი თმა კანის ზედმეტი გაღიზიანების გარეშე ან სხვა რისკების გარეშე. 

ნუ მოგერიდებათ, თქვენს ანუსზე, ასოზე ან სხვა ჰიგიენურ პრობლემებსა თუ საკითხებზე თქვენს დერმატოლოგთან ან უროლოგთან საუბარი. გახსოვდეთ, რომ ეს მათი სამუშაოა, უბრალოდ იკითხეთ ანუსის თმის მოშორების შესახებ - თქვენ არც პირველი ხართ მათთვის და არც უკანასკნელი, ვინც მსგავსი კითხვა დასვა.

თუკი მაინც გერიდებათ მსგავს საკითხებზე საუბარი დერმატოლოგთან ან უროლოგთან, ქვემოთ კომენტარებში დაწერეთ თქვენი კითხვები, მოსაზრებები ამ ბლოგთან დაკავშირებით და აუცილებლად მიიღებთ პასუხს.

წარმატებები!